Индонезияда Telegram блокланди

Фото: Reuters

Павел Дуровнинг Telegram мессенжери Индонезия ҳудудида блокланди. Мамлакат алоқа ахборот технологиялари вазирлиги кўрсатмаси билан шундай чора кўрилган. Бу ҳақда CNN Indonesia хабар қилмоқда.

Вазирлик вакили бу хабарни тасдиқлар экан, вазирлик ушбу масала бўйича баёнот ҳозирлаётганини билдирган. Индонезия фуқароларидан бири Twitter саҳифаси орқали Павел Дуровга мурожаат қилиб, унинг мессенжери блокланганидан хабари бор-йўқлигига қизиққан.

«Бу ғалати. Биз Индонезия ҳукуматидан ҳеч қандай сўров ёки шикоят олганимиз йўқ. Биз суриштирув ўтказиб, баёнот берамиз», — деган Дуров.

Аввалроқ, Дуров Telegram мессенжерини янгилашни тавсия қилгани маълум бўлганди.