Йилнинг энг ёрқин юлдузлар ёғдуси (фотожамланма)

13 августга ўтар кечаси Шимолий ярим шар аҳолиси Персеиднинг метеор ёмғирини кузатишга муваффақ бўлди. "Нисбатан фаол фаза 12 август соат 17:00дан 13 август 05:30гача давом этган. Бу вақтда мукаммал шароитларда осмонда дақиқасига икки-уч метеорнинг ёғилишини кўриш мумкин бўлди", - дея хабар берилди Халқаро метеор ташкилоти (IMO) сайтида.

Персеидлар — ҳар йили августда Персей юлдузлар туркуми томонда пайдо бўлувчи метеорлар ёмғири. Бу табиат ҳодисаси Ер ўз йўлида Свифт-Таттл кометаси Қуёшга яқинлашаётганда юлдузлараро кенгликка тушиб қолган муз, чанг ва тоғ жинслари заррачаларига дуч келганида юзага келади. Бу заррачалар Ер атмосферасига соатига 150 минг километр тезликда кириб боради. "Газета.ру" метеорлар ёмғирини ўтказиб юборганлар учун ушбу табиат ҳодисасининг Шимолий ярим шарда олинган энг ёрқин суратларини тақдим этди.