Калифорния курортида дам олувчилар олти метрли китни кўришмади (видео)

Калифорниянинг Montage Laguna Beach курортидаги сув ҳавзасининг саёз жойидан кулранг кит сузиб ўтди. Уни на қирғоқдагилар ва на сувда сузаётганлар кўришмади. 

Дрондан туриб олинган видео Orange County Outdoors сайти муҳарририга тегишли. У китнинг пайдо бўлиши одамлар орасида ваҳима келтириб чиқаришини кутган, бироқ уни ҳеч ким сезмаган. Ролик муаллифининг сўзларига кўра, бу жуда қўрқинчли, ахир одамлар акулани ҳам худди шундай сезмаслиги мумкин-ку!

Ролик National Geographic ва MSN сайтларида жойланган. Мазкур ролик икки кун ичида 1,5 миллион мартдан кўпроқ кўрилган.