Африканинг энг бой одами АҚШ ва Европага 50 млрд доллар сармоя киритади

Африканинг энг бадавлат фуқароси, нигериялик тадбиркор Алико Данготе 2025 йилга қадар АҚШ ва Европанинг қайта тикланувчи энергия манбалари ва нефткимё саноатига 20 млрддан 50 млрд долларгача сармоя киритишни режалаштирмоқда. Бу ҳақда Bloomberg агентлиги хабар қилмоқда. Данготе илк сармояларини 2020 йилда киритишни бошлайди. У Нигерияда 5 млрд долларлик қишлоқ хўжалик лойиҳаларини ва 11 млрд долларлик нефтни қайта ишлаш заводини барпо этиш лойиҳасинии амалга ошириб бўлгач, АҚШ ва Европа билан боғлиқ режаларини амалга оширади. 

«2020 йилдан бизнинг бўлғуси 60 фоиз сармоямиз Африка ташқарисига тўғри келади. Шундай экан, бизда мувозанат бўлиши мумкин. Фикримча, қайта тикланувчи энергия манбалари — бу келажакка ташланган олға қадамдир. Биз биринчи галда нефть кимё саноатини кўзда тутаяпмиз, шу билан бирга, бошқа компанияларга сармоя киритишимиз мумкин». 

Данготенинг бойлиги, Bloomberg миллиардерлар индексига биноан 11,9 млрд доллардир. Тадбиркор ўз фаолиятини кенгайтириб бормоқда, унинг Dangote Group компанияси Африканинг 18 мамлакатида корхоналарга эга бўлиб, Осиё бозорига ҳам чиқишни режалаштирмоқда.