Қўшимча функционаллар
-
Тунги кўриниш
Йўқолган никоҳ узуги 13 йил ўтиб сабзида топилди
Фото: Mary Grams
Канадалик аёлнинг никоҳ узуги йўқолиб қолгандан 13 йил ўтиб унинг томорқасида топилди, деб хабар бермоқда BBC News.
Мэри Грамс бриллиант кўзли узугини 2004 йилда Альберта вилоятидаги оилавий фермада пуштани ўтаётганда йўқотиб қўйган. Аёл бу ҳақда фақат ўғлигагина айтган, у буни қолганлардан, жумладан турмуш ўртоғидан сир тутган.
Грамс йўқотилган узук ўрнига бошқа арзонроқ узукни тақиб юрган ва сир бой бермаган.
Mary, 84, says she didn't know if they were kidding or not, but when her granddaughter brought the carrot over - she knew: "It's mine!" #yeg pic.twitter.com/Ft7IMUeSMR
— Sarah Kraus Global (@SarahNKraus) August 15, 2017
Жорий ҳафтада унинг келини таом тайёрлаш учун томорқадан бир нечта сабзини юлиб олиб, уларни юваётганда узукни топиб олган. Аниқланишича, сабзи узук орасидан ўсиб чиққан. Аёлнинг ўғли бу узук кимга тегишли эканлигини дарров фаҳмлаган.
Аёл буни билгандан кейин 5 йил аввал вафот этиб кетган эридан ҳақиқатни яширганидан афсус қилган. Аёлнинг фикрича, турмуш ўртоғи эҳтимол бу ҳолатни кулгили деб топган бўларди.
Кекса аёл бундан буёғига қимматбаҳо буюмларга эътиборлироқ бўлишини айтган.
BBC News’нинг таъкидлашича, шунга ўхшаш воқеа 2011 йилда Швецияда содир бўлган: ўшанда бир аёл йўқотиб қўйган никоҳ узугини 16 йил ўтиб сабзида топган.
Мавзуга оид
18:42 / 19.11.2022
“Сабзи бўлмаса ўзбекнинг уйида палов пишмайди” – гектарига 80 тоннагача ҳосил олаётган карманалик сабзичилар
14:36 / 03.12.2021
Йил бошидан бери сабзи нархи ўртача 68 фоизга ошди
20:29 / 12.11.2021
Қишлоқ хўжалиги вазирлиги сабзи нархи 4-5 баравар арзонлашганини айтди. Аммо нархлар ўтган йиллардагидан 2-3 баробар юқори
09:24 / 10.11.2021