АҚШда рекорд даражадаги 758 млн долларлик лотерея ютуғи эгасини топди

Америка Қўшма Штатларида Powerball лотереясининг рекорд даражадаги 758 млн долларлик ютуқ ўйналди. Бу ҳақда ABC News хабар қилмоқда.

Битта ютуқли чипта Массачусетс штатида сотилган. Унинг эгаси 6, 7, 16, 23, 26 ва 4 рақамларини тўғри топа олган.

Таъкидланишича, барча олтита рақамни тўғри топиш эҳтимоли 292, 2 миллион ҳолатга биттани ташкил этган.

Агар ғолиб пулни бирданига нақд кўринишда олишни хоҳласа, унга 443,3 млн доллар берилади.

Аввалроқ, мамлакатда 1,6 млрд долларлик жекпот ҳам тақсимланган эди, бироқ унда 3 киши сонларни тўғри топа олганди.