Петербургда Ўзбекистоннинг уч фуқароси пичоқланди
Ўзбекистоннинг уч фуқароси Петербургнинг Адмиралтейск туманида номаълум шахслар ҳужумидан сўнг пичоқ орқали етказилган жароҳатлар билан шифохонага олиб кетилди. Бу ҳақда "Интерфакс" хабар берди.
"2017 йилнинг 25 август куни Обводний канали ёнидаги 134-уй ёнида, соат тахминан 20.00лар атрофида бир гуруҳ шахслар ўртасида можаро келиб чиққан. Натижада унинг уч иштирокчиси – 21-24 ёшдаги йигитлар пичоқ жароҳатини олишди ва шифохонага олиб кетилди", - дея хабар берган Россия ИИВнинг Петербург ва Ленинград вилояти бўйича бош бошқармаси матбуот хизмати.
Полициячилар ҳодиса тафсилотларини аниқлаштиришмоқда.
"Интерфакс"га вазият билан таниш манбанинг хабар беришича, можаро вақтида Ўзбекистоннинг 21-25 ёшлардаги уч фуқароси пичоқланган. Жабрланганларнинг ўзи эса полициячиларга номаълум шахслар ҳужумига учраганликларини хабар беришди.
Мавзуга оид
14:06 / 26.09.2024
Японияда суд 56 йил аввалги қотиллик учун ўлимга ҳукм қилинган эркакни оқлади
09:23 / 26.09.2024
Туркияда 8 ёшар қизалоқнинг ўлдирилиши. Бу ҳақида нималар маълум?
07:47 / 23.08.2024
Петербургда мураккаб вазиятда қолган ўзбекистонликларга моддий ёрдам кўрсатилди
00:26 / 28.07.2024