Бокс, ЖЧ-2017. Иқболжон Холдоров кейинги босқичда

Фото: AIBA

Германиянинг Ҳамбург шаҳрида AIBA шафелиги остида бокс бўйича Жаҳон чемпионати давом этмоқда.

Бугун рингга чиқиши кутилаётган 5 нафар ўзбекистонлик боксчиларнинг икки нафари ўз жангларини ўтказиб улгурди.

Дастлаб, 56 килограммгача бўлган вазнда иштирок этаётган Муроджон Аҳмадалиев қозоғистонлик Қайрат Ералиевга қарши жанг ўтказди ва 1:4 ҳисобида ютқазди.

64 килограммгача бўлган вазнда Ўзбекистон шарафини ҳимоя қиладиган Иқболжон Холдоров колумбиялик Жон Гутьеррес билан куч синашди. 20 ёшли Иқболжон рақибига ҳеч қандай имконият қолдирмади. У жанг давомида тўлиқ устунликка эришди ва ғалабани расмийлаштирди — 5:0 (30:27, 30:27, 30:26, 30:26, 30:25).

Шу тариқа, Холдоров жаҳон чемпионатининг чорак финалига йўл олди.

Бугун яна 3 нафар ўзбекистонлик боксчилар куч синашади.

Тайёрлаган Азимжон Бердибеков

#Муроджон Аҳмадалиев #AIBA #Иқболжон Холдоров

25 август куни Германиянинг Ҳамбург шаҳрида Бокс дунёсининг 2017 йилги энг нуфузли мусобақасига старт берилди. 25 августдан 2 сентябргача Ҳамбург шаҳри AIBA World Boxing Championship-2017 мусобақасига мезбонлик қилади. Унда Ўзбекистон терма жамоаси камсонли мамлакатлар сингари тўлиқ таркибда иштирок этади.