Бокс, ЖЧ–2017: Санжар Турсунов яна ғалаба қозониб, чорак финалга йўлланма олди

Фото: AIBA

Германиянинг Ҳамбург шаҳрида AIBA шафелиги остида бокс бўйича Жаҳон чемпионатининг учинчи куни ўтиб бормоқда.

Бугун илгарироқ ўтказилган жангларда 56 кг вазнда Муроджон Аҳмадалиев қозоғистонлик Қайрат Ералиевга енгилган, 64 кг вазнда Иқболжон Холдоров колумбиялик Жон Гутьерресни енгиб чорак финалга йўлланма олганидан хабарингиз бор.

91 кг.гача бўлган вазн тоифасининг иккинчи саралаш босқичида 19 ёшли боксчимиз Санжар Турсунов аргентиналик Яра Пералтага қарши рингга кўтарилди. Ҳаяжонли ўтган учрашувда Санжар ҳакамларнинг 30:27, 30:26, 28:29, 30:27, 30:27 очколарига эга бўлиб, 4:1 ҳисобида ғалаба қозонди ва чорак финалга йўл олди.

Бизни бугун яна иккита жанг кутиб турибди:

49 кг. Иккинчи саралаш босқичи.
Ҳасанбой Дўсматов (Ўзбекистон) - Робинсон Родригес (Коста Рика)

75 кг. Иккинчи саралаш босқичи.
Исроил Мадримов (Ўзбекистон) - Азиз Очилов (Туркманистон)

#Ҳасанбой Дўсматов #AIBA #Исроил Мадримов #Санжар Турсунов

25 август куни Германиянинг Ҳамбург шаҳрида Бокс дунёсининг 2017 йилги энг нуфузли мусобақасига старт берилди. 25 августдан 2 сентябргача Ҳамбург шаҳри AIBA World Boxing Championship-2017 мусобақасига мезбонлик қилади. Унда Ўзбекистон терма жамоаси камсонли мамлакатлар сингари тўлиқ таркибда иштирок этади.