“Ҳарви” чоршанба куни Канадага етиб боради

“Ҳарви” довули кучсизланганидан сўнг пайдо бўлган тропик пўртана Канаданинг Атлантика океани қирғоқларига чоршанба ёки пайшанба куни эрталаб етиб боради. Бу ҳақда Канада довулларни кузатиш бўйича марказдан хабар беришган.

Табиий офатнинг асосий зарбаси Янги Шотландия, Ньюфаундленд ва Лабрадор вилоятларига тушади. "Пўртана ўзи билан кучли ёмғирларни олиб келади, улар катта тезликдаги шамоллар билан бирга кузатилади", - дея огоҳлантиришган иқлимшунослар.

АҚШнинг Техас штатига шанбага ўтар кечаси ёпирилган "Ҳарви" довули Қўшма Штатларда сўнгги 12 йилдаги энг кучлисига айланди. Сўнгги маълумотларга кўра, табиий офат туфайли 10 киши ҳалок бўлган. Кейинчалик довул тропик пўртана даражасига қадар кучсизланди.

Фото: АҚШга 12 йил ичидаги энг кучли довул ёпирилди

Аввалроқ АҚШнинг яна бир штатида “Ҳарви” туфайли фавқулодда ҳолат эълон қилингани хабар берилди.