Грознийдаги роҳингя мусулмонлари бўйича митингда миллиондан ортиқ киши қатнашди
Чеченистон пойтахти Грозний шаҳри марказида миллиондан ортиқ кишилар роҳингя мусулмонларини қўллаб-қувватлаш мақсадида йиғилди, деб хабар бермоқда РИА Новости Чеченистон ИИВга асосан. Ўн минглаб иштирокчилар республиканинг бошқа туманларидан келишган.
Рамзон Қодиров митингда чиқиш қилиб, Мьянмадаги қонли ҳодисаларни тўхтатишга чақирди. Шунингдек, у айбдорларни жазолаш ва инсониятга қарши жиноятларни тергов қилиш лозимлигини айтди.
Чеченистон раҳбари Мьянмадаги ҳарбийлар ва роҳибларнинг услубларини фашистлар концлагерларидаги назоратчиларнинг ҳаракатига тенглаштирган.
"Бу мамлакат ҳукумати бир миллиондан ортиқ роҳингянинг умрига зомин бўлди. Уларнинг уйлари олов домида қолди. Ҳимоясиз одамларни бўлакларга бўлишмоқда, оловда ёқишмоқда, сувда чўктиришмоқда. Болаларни ерга уришмоқда, оловга отишмоқда", - дея қўшимча қилди у.
Қодировнинг маълум қилишича, бутунбошли халқ кўп йиллардан бери ҳалокат ёқасида турибди, бироқ ҳеч ким Мьянмага қарши санкциялар киритаётган йўқ, БМТ, бошқа ташкилотлар ва жаҳон матбуоти эса фақатгина “жимжитлик билан кузатмоқда”.
Мавзуга оид
09:50 / 26.09.2024
Адвокат: Зарема Мусаеванинг саломатлиги ўта оғир даражага яқин
21:22 / 19.09.2024
Чеченистон собиқ бош вазири мактабларда Дарвин назариясини тақиқлашни талаб қилди
16:54 / 02.09.2024
«Сиз ва болаларингиз мамлакатга нега кераксизлар?» — Апти Алаудинов қандай қилиб Кремл овозига айланди
22:11 / 13.08.2024