2030 йилда иш ўрнини сақлаб қолиш учун қандай малакалар керак бўлади?

Британиянинг инновацияларни ривожлантириш жамғармаси Nesta ва Оксфорд университетининг талабаларнитайёрлаш мактаби ўтказган тадқиқотга кўра, 2030 йилда мерчендайзер, узоқ масофаларга қатновчи ҳайдовчи ва маъмур касблари тўлиқ автоматлаштирилади. Ўчитувчилар, биотехнология соҳасидаги олимлар ва ҳамширалар эса аксинча талабгир бўлади. Бу ҳақда MIT Technology Review хабар бермоқда.

Маърузада келажак касблари учун зарур бўладиган малакалар ҳақида баён қилинган. Улардан бири қарорлар қабул қила олиш, бўлғуси ҳаракатлардан фойда ёки зиён кўришни таҳлил қила олиш бўлади. Шунингдек, ғоялар яратиш уқуви ҳам юқори баҳоланади.

10 йилдан кейин бошқаларни ўқитиш уқуви янада юқорироқ баҳоланади. Маълумотни етказа олувчи ва ўқитишнинг индивидуал режасини туза олувчи мутахассисларга талаб катта бўлади. 

Ниҳоят, оригиналлик – 2030 йилда ҳамма малакалардан муҳимроқ малака бўлади. Бу турли хил масалаларнинг ноодатий ечимларин топиш демакдир. Маърузада таъкидланишича, ижодкорлик, мослашувчанлик ва фикрлай олиш малакалари муайян билим ва малакаларга эга бўлишдан муҳимроқ бўлади, чунки уларни робот ва сунъий онг алгоритмлари билан осон алмаштириш мумкин.   

Alibaba компанияси асосчиси Жек Манинг фикрича, болаларни заводда ишлашга тайёрловчи ҳозирги таълим тизими замонавий ва келажак синовларига мос эмас, чунки  ишлаб чиқариш саноати иқтисодиётнинг етакловчи кучи ҳисобланмайди.