Toyota антиқа дизайнли автомобилни тақдим қилади

Токиодаги автошоуда тақдим қилинадиган ихчам, салони қоронғуда ёришувчи Toyota Wonder-Capsule концепт-кари Toyota’нинг Auto Body бўлинмаси ва Anrealage кийимлар бренди билан биргаликда яратилди.

Маълум қилинишича, янги машина бор-йўғи 2,5 метр узунликка ва 1,3 метр энга эга. Икки ўриндиқли автомобиль вертикал олд ойнаси ва унинг катталиги билан эътиборни жалб қилади.

"Тойота" эшиклари ҳаракатга қарши очилади. Салонда асбоблар панели йўқ, барча маълумот олд ойнага чиқарилади. Машина поли ва ўриндиқлари люминесцент материал билан қопланган ва бунинг эвазига қоронғуда ёришади. Бу қоплама ультрабинафша нурлар ёки шунчаки ёрқин чақнаш таъсирида ҳам ёруғланади. Юкхона ўрнига ўриндиқ орқасида кичик бўлма кўзда тутилган.

Концепт-кар биринчи навбатда машиналарни ижарага бериш хизматларига мўлжалланган. Машина тармоқдан ҳайдовчи ҳақидаги маълумотларни олиб, унга мослаб рул ва ўриндиқни созлайди.