Португалиядаги ёнғинларда ҳалок бўлганлар сони 45 кишигача етди

Яқинда Португалияда юз берган ёнғинларда ҳалок бўлганлар сони 45 кишигача етди, деб хабар бермоқда Publico нашри.

Нашрннг ёзишича, бир киши олинган куйиш жароҳатларидан Порту шаҳридаги шифохонада ҳалок бўлган. Бунгача 44 киши ҳалок бўлгани айтилган. 

15-16 октябрь кунлари мамлакатда 700 та ёнғин ўчоғи қайд қилинганди. Расмий маълумотларга кўра, 70 киши жароҳат олган. Ёнғин туфайли Португалия ички ишлар вазири истеъфога кетишга қарор қилганди.    

Жорий йилда Португалиядаги ёнғинлар қурбонлари сони 100 кишидан ошиб кетди –июнда Педроган-Грандидаги ёнғин вақтида 64 киши ҳалок бўлган, 250 киши яраланган.