Xiaomi қизил рангдаги Mi5X смартфонини сотувга чиқарди

Xiaomi бренди Mi5X моделининг янги рангда сотувга чиққани ҳақида эълон қилди. 2 ноябрдан харидорлар пушти, қора ва тилларанг смартфонлар билан бир қаторда ёрқин қизил рангли Mi5X'ни ҳам сотиб олишлари мумкин бўлади. Янги қурилма ҳозирча фақат Хитойда сотувга чиқади. У харидорларга 1499 юань (225 АҚШ доллари)га тушади. 

Xiaomi Mi5X жорий йилнинг 26 июлида намойиш этилган. 5,5 дюймли Full HD-дисплейга эга смартфон бармоқ излари сканери ва 12 мегапикселли, оптик яқинлаштириш ҳамда портрет съёмка функциясига эга икки камера билан таъминланган.  

Икки сим-картали смартфон саккиз ядроли Qualcomm Snapdragon 625 чипсети билан жиҳозланган. У Android 7.1.1 Nougat  операцион тизимида ишлайди. Смартфон 4 Гб оператив ва 64 Гб ички хотирага эга. Аккумулятор сиғими - 3080 мАс. Бундан ташқари, у G VoLTE, Wi-Fi, Bluetooth, GPS'ни қўллаб-қувватлайди.