Пентагон раҳбари КХДР билан чегарадаги ҳарбийлардан холи ҳудудга борди

Фото: us.cnn.com

АҚШ мудофаа вазири Жеймс Мэттис Жанубий Кореяга ташрифи чоғида КХДР билан чегарадаги ҳарбийлардан холи ҳудудга борди, деб хабар қилмоқда CNN телеканали.

Пентагон раҳбари Тайланд қироли Пхумипхон Адулъядет (Рама IX)нинг дафн маросимида қатнашганидан сўнг, Корея республикасига келган.

Келгуси ҳафтада АҚШ президенти Дональд Трампнинг Осиё бўйлаб расмий сафари бошланади. Аввалроқ, Трампнинг ҳам ҳарбийлардан холи ҳудудга бориш масаласи муҳокама этилаётгани ҳақида хабарлар пайдо бўлганди.