Аваков vs Порошенко: Украинада ИИВ раҳбарининг ўғли қўлга олинди

Украина ички ишлар вазирининг собиқ маслаҳатчиси Илья Киванинг сўзларига кўра, ИИВ раҳбари Александр Аваковнинг ўғли коррупцияга қарши кураш миллий бюроси ходимлари томонидан ўтказилган тинтувдан сўнг қўлга олинган. Бу ҳақда RT маҳаллий ОАВга асосан хабар бермоқда.

«Александр қўлга олинди. Менга маълум бўлишича, тинтув ҳеч қандай натижа бермаган, шунинг учун телефонлар ва планшетлар олиб қўйилган. Буни тўғридан тўғри алоқада эканим ва мулоқот қилаётганим учун 100 фоизга биламан», - деди у.

Унинг сўзларига кўра, Аваковни судга олиб боришлари керак бўлган. Киванинг таъкидлашича, рўй бераётган ҳодисанинг мақсади - «вазирга ва у томонидан қабул қилинувчи қарорларга таъсир кўрсатиш имкониятига эга бўлишдир».