МИБ томонидан мусодара этилган мол-мулк аукционга қўйилди
Ўзбекистон Республикаси Бош прокуратураси ҳузуридаги Мажбурий ижро бюроси мусодара этилган қатор моддий бойликларни онлайн аукционга қўйди.
Хусусан, МИБ «Электрон онлайн-аукционларни ташкил этиш маркази» давлат унитар корхонаси томонидан Мирзо Улуғбек тумани, Ҳамид Олимжон майдонининг шарқий томонидаги 13А-уй аукционга қўйилди. У 431 357 000 сўмга баҳоланди.
Андижонда эса С.Зунунов кўчаси 7-уй 2 638 416 000 сўмга баҳоланди. Шунингдек, Spark ва Malibu автомобиллари ҳам аукционга қўйилди, уларнинг нархи мос равишда 56 032 696 сўм ҳамда 70 945 600 сўмга баҳоланди.
Эслатиб ўтамиз, жорий йилнинг 27-июлида Ўзбекистон Республикаси президенти қарори билан Ўзбекистон Республикаси Бош прокуратураси ҳузуридаги Мажбурий ижро бюроси «Электрон онлайн-аукционларни ташкил этиш маркази» давлат унитар корхонаси ташкил этилди ва суд ҳужжатлари ҳамда бошқа органлар ҳужжатларини ижро этишда мол-мулкни реализация қилиш бўйича аукцион савдолари фақатгина шу Марказнинг «Э-ИЖРО АУКЦИОН» ягона электрон савдо майдончасида электрон онлайн-аукционлар шаклида ўтказилиши белгилаб қўйилди.
Ягона электрон савдо майдончасида электрон онлайн-аукционлар ўтказиш www.eauksion.uz сайти орқали амалга оширилади.
Мавзуга оид
20:45 / 10.09.2024
Тошкентда йўл ҳаракати қоидаларини 363 марта бузган Spark хатловга олинди
18:43 / 16.08.2024
Тошкентда АҚШ элчихонаси эски хизмат автомобиллари аукциони қолдирилди
11:29 / 14.08.2024
Тошкентда 230 та қоидабузарлик қилган аёл ҳайдовчининг Lacetti’си хатланиб, аукционда сотиб юборилди
22:05 / 19.07.2024