Анталияда Москва Кремли (суратлар+видео)

Анталия аэропортидан 12 километр масофада 2003 йилда очилган ва меҳмонларга стандарт хизматлардан ташқари Москвадаги Қизил майдонни ёдга солувчи манзарани таклиф қилувчи Wow Kremlin Palace меҳмонхонаси жойлашган.

"Москва Кремлининг бутун улуғворлиги меҳр билан Ўртаер денгизи қирғоқларига кўчирилди. Дам олиш таътилини қуёш нур таратиб турган денгиз қирғоғидаги саройда ўтказмай, қаерда ўтказиш керак!", - дейилади меҳмонхона матбуот хизматида. 

Сузиш ҳавзалари олдида муборак Василий ибодатхонаси ўрнатилган. Меҳмонхона ҳудудида Кремлга яқин бошқа ўхшашликларни, шунингдек, Катта театрнинг кичрайтирилган нусхасини ҳам кўриш мумкин.

Бундан ташқари, меҳмонлар учун хусусий соҳил, олти ресторан, SPA-марказ ва ёпиқ сузиш ҳавзаси мавжуд.