500 кг'ли қизни шифохонага олиб бориш учун уй деворини бузишга тўғри келди

Изабелла Амарал Аргентинанинг Росарио шаҳрида истиқомат қилади ва у дунёнинг энг оғир вазнли кишилардан бири ҳисобланади. Қиз ёш бўлса-да, 490 килограммли вазни сабаб ҳаракатлана олмайди. Унинг ҳаёти фақат ётоқда ўтаётганди.

Қизнинг ошқозонида жарроҳлик амалиёти ўтказилиши керак эди, бироқ Изабеллани тез ёрдам каретасига жойлаштириш учун қутқарувчиларни ёрдамга чақиришга тўғри келди. The Mirror хабарига кўра, қизни уй эшигидан олиб чиқа олишмаган, ягона йўл ётоқхонадаги деворни бузиш бўлган. 

Шифокорларнинг сўзларига кўра, қиз операциядан олдин 200 килограмм вазн ташлашига тўғри келади. У доимий равишда мутахассислар назорати остида.