Пенсионер аёлнинг 20 млн сўмлик тилла тақинчоқларини ўмарган набираси ушланди

2017 йил 19 ноябрь куни Бухоро шаҳар ИИБга, Фитрат кўчаси 24-уйда яшовчи, 1943 йилда туғилган нафақадаги М.С. ариза орқали мурожаат қилиб, номаълум шахс унинг уйига ғайриқонуний равишда кириб, ушбу уйнинг ётоқхонасидаги шкаф ичида бўлган баҳоси 20.000.000 сўмлик бир дона аёллар тилла занжири ва баҳоси 500.000 сўмлик уч дона тилла зиракларни яширин равишда ўғирлаб кетганлигини билдирган. Бу ҳақда KUN.UZ’га Бухоро вилояти ИИБ хабар берди.

Ушбу ҳолат бўйича олиб борилган суриштирув ишлари давомида  жиноятни, Фурқат кўчаси 24-уйда яшовчи, 1998 йилда туғилган, жабрланувчининг набираси Ш.И. содир қилганлиги аниқланди.

Мазкур ҳолат юзасидан Ш.И.га нисбатан Ўзбекистон Республикаси Жиноят Кодексининг 169-моддаси 2-қисми билан жиноят иши  қўзғатилиб, тергов ҳаракатлари олиб борилмоқда.