Немис сайти Ўзбекистон клублари трансферлари қийматини маълум қилди  

Transfermarkt.de спорт сайти Ўзбекистон футбол клублари тахминий трансферлар қийматини ҳисоблаб чиқди. 

Рўйхатда «Пахтакор» етакчилик қилмоқда. Клуб футболчиларининг жами трансфер қиймати 11,9 млн еврога баҳоланган. Марко Симич ва Игорь Сергеев (1 млн 800 минг евродан) клубнинг энг қимматбаҳо ўйинчилари деб топилди. 

2-ўринни Ўзбекистон чемпиони «Локомотив» клуби эгалламоқда. «Темирйўлчилар»нинг жами трансфер қиймати 11,48 млн еврога баҳоланган. 

Йилнинг энг яхши футболчиси унвонини олган, «Локомотив»  ҳужумчиси Марат Бикмаев ўз клубининг энг қимматбаҳо ўйинчиси деб топилди. Унинг трансфер қиймати 1 млн 200 минг еврони ташкил қилган. 

Етакчи учликни Қаршининг «Насаф»и тугатмоқда. Клуб футболчиларининг жами трансфер қиймати 7,88 млн еврога баҳоланган. Клубнинг энг қиммат ўйинчиси сифатида Драган Черан эътироф этилган — 1 млн евро.

Ўзбекистон клубларининг умумий трансферлари қиймати эса 79,60 млн еврони ташкил қилган.