Сиднейда 80 йил ичидаги рекорд ҳаво ҳарорати қайд қилинди
Австралия метеорологик хизмати Сиднейда 47 градус иссиқ ҳароратни қайд қилди. Бу эса ушбу шаҳар учун деярли 80 йил ичидаги энг юқори ҳаво ҳарорати бўлди. Бу ҳақда Янги Жанубий Уэльс штати об-ҳаво мутахассислари бюроси твиттерда маълум қилди.
Маълумотларга кўра, охирги марта бундай иссиқ об-ҳаво қитъанинг энг йирик ва энг қадимий шаҳрида 1939 йилда қайд қилинган.
Ҳукумат юқори ёнғин хавфсизлиги ҳақида огоҳлантириш берган ва ҳаво ҳарорати юқори бўлган ҳудудларда олов ёқишни тақиқлаб қўйди. Ҳар ер-ҳар ерда бепул сув олиш станциялари ўрнатилган.
ABC телеканалининг таъкидлашича, иссиқ ҳаво туфайли бир неча киши шифохонага тушган.
Ҳозирда Австралияда йилнинг энг иссиқ фасли – ёз ҳукм сурмоқда.
Мавзуга оид
00:26 / 24.09.2024
Австралияда ёлғон чегирмалар эълон қилган супермаркетлар судга берилди
23:17 / 10.09.2024
Австралияда ўсмирларга ижтимоий тармоқлардан фойдаланиш тақиқланиши мумкин
19:04 / 06.09.2024
2024 йилнинг ёзи кузатувлар тарихидаги энг иссиқ фасл бўлди
21:09 / 02.09.2024