Антонио Кассано: «Реал»да ит каби овқатланиб, кечалари ухламасдим

Фото: Goal.com

Италиялик собиқ футболчи Антонио Кассано Мадриднинг «Реал» клуби сафида 2006-2008 йиллардаги иштироки ҳақида сўзлаб берди.

«Мен «Реал»да «галактикос» вақтида тўп сургандим. Шартномани олти ярим йилга имзоладим, бироқ у ерда 18 ой давомида бўлдим.

Ҳар жума куни самолётга ўтириб, Римга қайтиб келардим. Мен худди ит каби овқатланиб, кечалари ухламасдим. Менинг ҳаётим жуда ёмон даражага тушиб қолганди», - дея Кассанонинг сўзларини келтиради Corriere dello Sport нашри.

Эслатиб ўтамиз, аввалроқ Испаниянинг «Барселона» футбол клуби ҳимоячиси Хорди Альба «Реал» ҳақида фикр билдириб, Каталонияда бундай натижалар учун нима қилишларини айтиб ўтганди.