Исталган iPhone ёки MacBook’ни сонияда «ўлдириш» усули топилди

Твиттер фойдаланувчиси iOS ва macOS’да камчиликни топди, у Apple гаджетини исталган вақтда зудлик билан ўчириш имконини беради. Бу ҳақда 9to5Mac хабар бермоқда.

Агарда кўрсатилган ҳаволани iPhone ёки MacBook’дан босилса, қурилма ўчиб қолади. Муаммони қайта юклаш орқали тўғрилаш мумкин.

Бундай ўзига хос «янгиликни» топган фойдаланувчининг таъкидлашича, шундай ҳаволалар ўзига хос ҳазил бўлиб, реал таҳдидга эга эмас, шунинг учун Apple бу камчиликни тузатишга шошилаётгани йўқ.