Қозоғистондаги фожиадан омон қолганлар ҳақида маълумот берилди
Қозоғистоннинг Ақтўбе вилоятида йўловчи автобуси ёниб кетишидан 5 киши омон қолган. Вилоят губернатори Серик Туленбергеновнинг маълумот беришича, уларнинг жароҳати оғир эмас.
«52 киши ҳалок бўлган, 5 киши енгил даражадаги куйиш жароҳатлари олган», — дея Туленбергеновнинг сўзларини келтирган Sputnik Казахстан агентлиги.
Аниқлик киритилишича, автобусда жами 57 киши бўлган, уларнинг 54 нафари Ўзбекистон фуқаролари эди, қолган 3 киши — қозоғистонликлар.
Омон қолганлар рўйхати:
Пернебеков Максат (1985 йил туғилган, Қозоғистон фуқароси);
Қирғизбоев Нуржон (1968 йилда туғилган, Қозоғистон фуқароси);
Барат Танатаров (1978 йилда туғилган, Қозоғистон фуқароси);
Мирзаҳмедов Исроилжон (1980 йилда туғилган, Ўзбекистон фуқароси);
Исоқов Аҳрор (1988 йилда туғилган, Ўзбекистон фуқароси).
Бундан аввалги хабарларда Чимкент-Самара йўналишида, Ақтўбе вилоятининг Иргиз тумани ҳудудида автобус ёниб кетиши оқибатида ҳалок бўлганларнинг барчаси ўзбекистонликлар бўлгани айтилганди.
Мавзуга оид
19:35 / 06.10.2024
Қозоғистонда АЭС қурилиши бўйича референдум ўтказилмоқда
17:06 / 06.10.2024
Қозоғистонда АЭСни халқаро консорциум қуриши керак – Тўқаев
13:48 / 04.10.2024
Ўзбекистон ДХХ раиси Абдусалом Азизов Остонада МДҲ давлатларидаги ҳамкасблари билан учрашди
14:28 / 02.10.2024