Туркияда денгиз бўйига қулаган самолёт тортиб олинди

Туркиянинг Трабзон шаҳрида Қора денгиз бўйига қулаган Boeing 737-800 самолёти икки кран ёрдамида тортиб олинди. Hurriyet нашри шу ҳақида хабар берди. 

Самолёт денгиздан 25 метр масофада бўлган. 500 ва 350 тонналик икки кран самолётни ердан унча катта бўлмаган масофага кўтариб, кейин ерга қўйган. Шундан сўнг ҳаво кемаси ўт ўчирувчилар машинаси суви билан тозаланган.

14 январь куни 162 нафар йўловчини ўз ичига олган Boeing самолёти аэропортда қўнишни амалга оширганидан сўнг қўниш чизиғидан ташқарига чиқиб кетган ва денгиз бўйидаги лойга ботиб қолган. Йўловчилар орасида жабрланганлар йўқ.

Мавзуга оид: Туркияда денгизга қулашига бир бахя қолган самолёт эвакуацияси видеоси