Марсдаги ҳаёт учун ядро реактори синовдан ўтказилди

АҚШнинг Невада штатида Kilopower кичик ядровий реактор муваффақиятли синовдан ўтказилди, у келажакда Марсдаги илк турар-жойларни энергия билан таъминлаши мумкин. NASA вакиллари Лас-Вегасдаги анжуманда лойиҳа тафсилотлари ҳақида маълумот беришди, деб хабар қилмоқда Reuters.

«Kilopower кичик ўлчамлари ва қуввати бизга бир неча блокни битта кемада етказиш ҳамда ўнлаб киловатт қувват генерациясини таъминлаш имконини беради», - дея аниқлик киритиб ўтди NASA директорининг космик технологиялар бўйича ўринбосари Стив Юрчук.

Лойиҳа муаллифининг сўзларига кўра, реактор Стирлинг двигатели принципига асосланган ва кам ҳаракатланувчи қисмларга эга. Реакторнинг уран-235га эга энг фаол зонаси қўлни артадиган сочиқ ўрами ҳажмига эга, режаларга кўра, реакторнинг кенг кўламли тажрибалари март ўрталарида бошланади. Бир реакторнинг қуввати 1-10 кВт.ни ташкил этади, Марс юзасидаги одамлар бўладиган станциянинг тўлақонли ишлаши учун шундай қурилмалардан 4-5 тасини ишга тушириш лозим.