Испанияда жорий йилда 5G тармоқ жорий қилинади

Telefonica алоқа компанияси жорий йилда Испанияда 5G тармоғини жорий қила бошлайди. Мамлакатда 5G Technological Cities лойиҳаси мавжуд бўлиб, унинг доирасида янги тезкор алоқа тармоқлари устунликларидан компаниялар, оддий аҳоли, испан шаҳарлари меҳмонлари баҳраманд бўла оладилар. 

Тармоқ кичик ва хорижликларга номаълум шаҳарлардан ёйила бошланади. Бундай шаҳарларда кейинчалик йирик шаҳарларда йўлга қўйилган ечимларни татбиқ қилиш учун янги алоқа стандартидаги минораларни ўрнатиш, синовлар ўтказиш қулай. 

Telefonica’нинг мўлжалича, унинг тармоқлари маълумотларни 1-10 Гбит/сония тезлик билан узата олади ва жорий авлоддаги тармоқларга нисбатан 100 марта кўпроқ сондаги уланган қурилмалар ишини таъминлай олади.

Симсиз тармоқнинг унумдорлиги кенг полосали уй интернетининг унумдорлигидан 3 карра юқорироқ бўлиши тахмин қилинмоқда. 5G тармоқ ҳайдовчисиз транспорт воситаларининг самаралироқ синовини ўтказишни бошлашга, виртуал ва тўлдирилган реаллик бўйича сайёҳлик хизматларини, етиб бориш қийин бўлган жойларда интернетга киришни таъминлашга имкон беради. 5G асқатадиган соҳаларга телетиббиёт, саноатдаги автоматлаштиришни ва тасаввур қилиш мумкин бўлган барча нарсани масофадан бошқаришни киритиш мумкин.

Ҳозирда бутун дунё бўйлаб йирик операторлар 5G технологиясини қўллаш бўйича пойгани бошлаб юборишди. Мисол учун, Токиода 2020 йилги Олимпиада олдидан Nokia’нинг 5G тармоқлари ишлай бошлайди. Дунёнинг энг йирик телекоммуникацион компанияси  AT&T 5G стандартга ўтишни бошлашга тайёр: жорий йил охиригача компания АҚШнинг 12 та шаҳрида 5G технологиясини жорий қилади. Deutsche Telekom эса Берлинда синовдан ўтказиш учун 5G тармоғини жорий қилган.