Польша бош вазири Россияни асосий таҳдид деб атади

Польша бош вазири Матеуш Моравецкий Politico нашрига берган интервьюсида, Россия бугунги кунда унинг давлатига катта таҳдид солиб тургани ҳақида гапирди.

«Мен Россия таҳдидига жиддий ёндашаман. Мен Россия Украинада амалга оширган ишларни жуда хавфли ишлар деб ҳисоблайман. Биз Европа Иттифоқидаги ҳамкорларимиз ва АҚШ билан Давосда шу таҳдид тўғрисида гаплашдик»,— дея қайд этган у.

Жаноб Моравецкий Россия Украинага «бостириб киргани»ни қайд этган.

«Донбассда уруш бошланса, Россия армияси Украинада янада ичкарироқ киришни истаса нималар бўлади? Буни билиб бўлмайди; умид қиламизки, улар бунга ботинишмайди, аммо ҳар эҳтимолга хавф қаршисида қуролсиз қолгандан кўра, иккинчи ва учинчи мудофаа чизиқларига эга бўлган яхши»,— деган польшалик вазир.

Моравецкий Польша ҳукуматини ўтган йилнинг 11 декабридан буён бошқармоқда. У бу лавозимни эгаллагунига қадар Польша Молия вазири бўлган, у бу лавозимда ҳукумат билан бирга истеъфога кетган Беат Шидло ўрнини эгаллаганди.