Шунчаки яшаш учун пул тўланадиган шаҳарлар (фотожамланма)

Биз кўчишни ҳақиқий стресс каби қабул қилишга ўрганиб қолганмиз — шу ерда ҳам ёмон бўлмаса, бошқа ерга кўчишнинг нима ҳожати бор деб ўйлаймиз. Бироқ ўзингиз ўйлаб кўринг, қимматли ҳаётингизни фақатгина "ёмон бўлмаган" шароитга сарфлашга тайёрмисиз? Олдингизда бутун дунё очиқ турган бир вақтда, боз устига, баъзи мамлакатлар сизнинг саёҳат қилишга қарор қилганингиз учун ҳам пул тўлашга тайёр турса...

Аляска (АҚШ)

Бу ерда ўзингизни Жек Лондоннинг романи қаҳрамонларидан биридек ҳис қилишингиз мумкин. Олтин изланг, балиқчилик билан шуғулланинг, ўз бизнесингизни йўлга қўйинг ва ...шу тариқа вақтичоғлик қилганингиз учун ҳукуматдан 2 минг доллар олишни унутманг!

Утрехт (Нидерландия)

Шартсиз даромад дастури ўтган йилдан бери Нидерландия ҳудудида амалда. Фақат ҳозирча битта шаҳарда: Утрехт аҳолисига ҳар ойда 1000 евро тўланади.

Детройт (АҚШ)

Детройт қачонлардир мамлакатнинг энг йирик марказларидан бири ҳисобланган. Ҳозир шаҳар анча аянчли аҳволда, жиноятчилик кўрсаткичлари сабаб бу ерда яшаш хавфли ҳисобланади. Бироқ Америка Детройтни "қароқчи"ларга бериб қўймоқчи эмас: Live Downtown тикланиш дастури шаҳардан уй сотиб олувчиларга 20 минг долларлик фоизсиз кредит беришни кўзда тутади.

Мисима (Япония)

Мисима аҳолиси бирйўла уч кичик оролни эгаллаган — 400 киши учун бу катта ҳудуд экани аниқ. Провинция муниципалитети бу ерга кўчиб келганларга илк уч йилнинг ҳар ойида минг доллардан тўлашга қарор қилди.

Нью-Хейвен (Коннектикут)

Нью-Хейвенда уй сотиб олиш йўли оддий: давлат дастури бу ерга кўчиб келган оилага 10 минг доллар беминнат кредит беради ва агар оила атиги 5 йил шу ерда яшай олса, кредит ўз-ўзидан қопланган ҳисобланади. Уй тўғридан-тўғри шахсий мулкингизга айланади.

Матсайкер ороли (Тасмания)

Болалигида маёқ назоратчиси бўлишни орзу қилган ҳар бир инсон бемалол шу ерга кўчиб ўтиши мумкин. Тасмания қирғоқларидаги кичик оролга кўчиб келганларга мамлакат ҳукумати нафақат бепул уй, балки доимий иш билан ҳам таъминлашни ваъда беради.

Понга (Испания)

Астурия қироллигида Испаниянинг энг қадимий қишлоқларидан бири жойлашган бўлиб, у ердаги аҳоли сони мамлакат ҳукуматини жиддий ташвишга солади. Испанлар минтақа маданиятини қайта тиклаш учун бу ерга кўчиб келган ҳар бир ёш жуфтликка 3 минг евродан тўлашга қарор қилишган.