Пекинда ҳайдовчиларга машина ҳайдашдан воз кечганлик учун пул тўланади

Пекин ҳукумати жамоат транспорти фойдасига машина ҳайдашдан воз кечувчиларни рағбатлантириш дастурини ишга туширмоқда. Бу ҳақда “Синьхуа” сайтида маълум қилинди.  

Дастурга кўра, ўз машинасидан фойдаланишдан воз кечган ҳар бир ҳайдовчига кунига ярим юан ҳақ тўланади. Агар Пекиндаги автобус чипталари нархлари келтирилган сайтларга ишонилса, унда ҳайдовчилар бир ҳафта автомобиль ҳайдаш орқали битта чипта пулини жамлай олишади.  

Албатта, бундай таклиф бойиб кетишга, ҳаттоки транспорт харажатларини қоплашга ҳам имкон бермайди, бироқ хитойликларнинг бундай ташаббусларга қизиқиши муҳимдир. Дастурда иштирок этиш учун унинг муаллифлари WeChat мессенжери билан ҳамкорлик қилишга келишиб олишди. Мессенжер бу дастур учун автомобиль ишлатилмаганини қайд қилувчи гаджет чиқарди. Агар автомобиль ишлатилган бўлса, унда у чиқарган карбонат ангидрид миқдори ўлчанади. 

Ҳавонинг ифлосланиши Хитой учун жиддий муаммо ҳисобланади. Мансабдор шахслар вазиятни ўнглашнинг турли усулларини қидирмоқдалар. Бунда асосий йўналишлардан бири транспортни электрлаштириш ҳисобланади. Мамлакатда электромобил ва электробуслар ишлаб чиқарувчилар учун катта имтиёзлар амал қилади. 

Мисол учун, Хитойнинг жанубидаги 12 млн кишилик Шэньчжэнь мегаполиси жамоат транспортини электр двигателларга ўтказишни якунлади. Энди шаҳардаги бирорта автобус ҳавони ифлослантирмайди.