«Реал» президенти Асенсиога рекорд нарх белгилади

«Реал» президенти Флорентино Перес ҳужумчи Марко Асенсио нархини 700 миллион евро деб эълон қилди. 

Мулозимнинг таъкидлашича, ёзда у футболчини 150 миллион еврога сотмаган.

«Асенсио нархи 700 миллион евро туради, бир евро ҳам кам эмас. У «Реал»ни тарк этмайди. Ишончим комил, бу ерда катта ғалабаларни қўлга киритади.

Зидан ҳужумда Бэйл – Бензема – Роналдуга ишонч билдириб, Асенсиони ҳисобдан чиқарди деб ўйласангиз, хато қиласиз. Зидан Асенсио ўйинидан ҳайратда. Ёзда бизга Асенсио учун 150 миллион таклиф қилишди, бироқ мен ҳам, Зидан ҳам ундан воз кечишни ҳаёлимизгаям келтирмадик» - деб Перес сўзларини келтирмоқда Mundo Deportivo.

Жорий мавсумда 22 ёшли испаниялик «Реал» таркибида 34та ўйин ўтказиб, 8та гол урган ва 6та голга ҳаммуаллифлик қилган.