Renault эски аккумуляторлардан энергия тўпловчи тизим барпо этади

Tesla’нинг баъзи бир мамлакатлар ва ҳудудларни электрлаштириш борасида қўлга киритган ютуқлари компаниянинг рақобатчиларини ҳам ана шундай хатти-ҳаракатларга ундади. Шу кунларда Renault концерни ҳам фақат «тоза» энергия ҳисобига электрлаштириладиган орол бўйича ўз лойиҳасини тақдим этди, — деб хабар беради evmode’гна асосланган hi-news.ru.

Шамол ва қуёш электр станциялари электр энергиясини фақат шамол ва ёруғлук бўлсагина ишлаб чиқаради, шу сабабли ишлаб чиқарилган электр энергиясини сақлаш керак бўлади. Бунинг учун автоконцерн Порту-Санту оролида ўзи ишлаб чиқарган маиший энергия тўпловчиларни жўнатади. Улар фойдаланиб бўлинган электромобилларнинг батареяларидан иборат бўлади. Бундай тўпловчиларнинг хоссалари бошқа ишлаб чиқарувчиларнинг шу каби маҳсулотларига нисбатан ёмонроқ, лекин у рақобатчилар томонидан таклиф этилаётган тўпловчилардан анча арзон.

Бундан ташқари, Renault аҳолига тармоқда электр энергияси зиёдлашган соатларда қувватланиш имконини берувчи, махсус яратилган «ақлли» тизимга эга 20та 14 ZOE ва 6та Kangoo ZE электромобилларини ҳам тақдим этади. Оролнинг ўзи жуда кичик, шу сабабли маҳаллий аҳоли батарея қувватларини тўлиқ сарфлашга улгуришмайди ҳам. Ортиқча энергия яна тармоққа қайтарилади ва вазиятга қараб жуда тиғиз вақтларда сарфланади.

Лойиҳа аллақачон Португалиянинг Мадейра архипелаги ҳукумати томонидан маъқулланган ва концерн улар билан ҳамкорликда ўз ғоясини ҳаётга татбиқ этмоқчи. Электрлаштирилиши мўлжалланаётган Порту-Санту оролининг майдони 42 квадрат километр бўлиб, унда 5 минг киши истиқомат қилади.