Автомашиналар тураргоҳидаги пичоқбозлик ўлим билан якун топди

Жиззах шаҳрида қотиллик юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 12 март куни соат 08.45ларда Ш.Рашидов тумани Ҳайробод МФЙ Ойбек кўчасида яшовчи, 1997 йилда туғилган Ғ.О. Обод МФЙ А.Навоий кўчасида жойлашган “Сўғдиёна” футбол ўйингоҳи олдидаги автомашиналар турар жойида ўзаро жанжал оқибатида Ором кўчасида яшаган, 1979 йилда туғилган З.Т.нинг кўкрак, қорин ва ўнг қўлининг билак қисмига пичоқ билан уриб жароҳат етказган.

Натижада З.Т. касалхонага келтирилганида вафот этган. Ғ.О. қўлга олинган.