Йўл четида турган профилактика инспекторини машинада уриб кетишди

Фото: Dreamstime.com

Наманган вилоятининг Янгиқўрғон туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, 17 март куни соат 21.30ларда Қорасув маҳалласида яшовчи, 1976 йилда туғилган А.М. ўзининг “Нексия” русумли автомашинасини Ибрат МФЙ ҳудудидан ўтувчи “Янгиқўрғон-Нанай” автомобиль йўлининг 3-километрида ҳайдаб кетаётиб, йўл четида турган Янгиқўрғон тумани ИИБ профилактика инспектори Ш.М.ни уриб юборган.

Натижада Ш.М. касалхонага ётқизилган. Суриштирув ишлари олиб борилмоқда.