Японияда Годзиллага ҳайкал ўрнатилди

Токио марказида кинофильмлардан бўлган баҳайбат мутант-махлуқ Годзиллага ҳайкал ўрнатилди. Бу ҳақда Kyodo хабар бермоқда.

Таъкидланишича, ҳайкалнинг баландлиги тахминан 2,5 метр келади. Ҳайкал ўрнатилган махсус асосда шундай ёзув бор: «Энди инсоният Годзилла билан бирга яшашга мажбур». Бу ибора баҳайбат махлуқ тўғрисидаги энг сўнгги фильм - «Годзилла: Уйғониш»дан олинган, у 2016 йилда катта экранларга чиққанди.

Японияда 1954 йилнинг 3 ноябрь куни Годзилла ҳақидаги биринчи фильм прокатга чиққан – у Тинч океани тубида кўп асрлик уйқудан сўнг уйғонган баҳайбат мутант-махлуқ бўлиб, шаҳарларни вайрон этиш ҳамда одамларни ўлдиришни бошлаган.

Таъкидланишича, бу махлуқ тахминан 50та фильм ва видеоўйин қаҳрамонига айланди, унинг образи эса оммавий маданиятдаги энг таниқлилардан бири саналади.