Tesla акциядорлари Илон Маскни ойлик маошсиз қолдиришди

Фото: Ringo H.W. Chiu/AP

Tesla компанияси акциядорлари бош директор Илон Маск учун 10 йиллик товон тўпламини маъқуллашди, у Маскни аниқ белгиланган иш ҳақидан маҳрум қилади. Бу ҳақда CNBC телеканали хабар берган.

Ҳужжатга кўра, Маск кейинчалик кафолатланган ойлик маошдан маҳрум бўлади ва компания акциялари шаклида товон пули олади. Бунда акцияларнинг бозордаги қиймати ўсиши ҳам ҳисобга олинади.

Яқин 10 йил давомида моддий товон Tesla асосчисига компания акцияларини бериб юбориш шаклида тўлаб борилади. Бу 12 траншни амалга ошириш йўли билан рўй беради, улардан ҳар бири компания акциялари ҳозирги сонининг 1 фоизига тенг бўлади.

Шу билан бирга, Маск биринчи траншни компаниянинг бозордаги қиймати 100 млрд доллардан ошганидан кейингина олади.