«Бундай қадамлар эътиборсиз қолдирилмайди». Россия Британиядаги савдо ваколатхонаси ёпилишига изоҳ берди

Россия президенти матбуот котиби Дмитрий Песковнинг маълум қилишича, Россияга нисбатан ҳар бир нодўстона қадам эътиборсиз қолмайди. Бу ҳақда РИА «Новости» хабар бермоқда.

«Москвада Россияга нисбатан қўйилаётган ҳар бир нодўстона қадам жиддий тарзда таҳлил қилинмоқда, ҳамда ушбу қадамларнинг ҳар бири кейинчалик жавобга сабаб бўлади, у тегишли тарзда билдирилади. Шунинг учун шошмаймиз. Москвада бундай қадамлар эътиборсиз қолдирилмайди», - дея айтиб ўтди Песков. У Скрипаль иши туфайли Лондонда Россия савдо ваколатхонаси ёпилиши бўйича саволга шундай жавоб қайтарган.

Эслатиб ўтамиз, аввалроқ Россия президенти матбуот котиби Дмитрий Песков РФнинг Скрипаль ишига ҳеч қандай алоқаси йўқ экани ҳақида маълум қилганди.