Юлия Скрипаль ҳодисадан бироз аввал банкдаги махфий ҳисоб рақамидан фойдаланиш имконини қўлга киритган – ОАВ

ГРУ собиқ полковниги Сергей Скрипалнинг қизи Юлия Солсберида заҳарланиш юз беришидан бир неча кун аввал банкдаги махфий ҳисоб рақамидан фойдаланиш имконини қўлга киритган, у ерда 150 минг фунт стерлинг бўлган. Бу ҳақда The Daily Mirror ёзмоқда.

Таъкидланишича, пуллар унинг акаси Александрга тегишли бўлган бўлиб, у ўтган йили Санкт-Петербургда шубҳали ҳолатда ҳаётдан кўз юмганди. Бу пуллар унга рафиқаси билан ажрашгани ҳамда Буюк Британиядаги уйини сотиб юборганидан сўнг келган.

ОАВ бу маълумотни Сергейнинг қариндоши Викториядан билиб қолган, у Юлияни кўргани шифохонага киритиладиган биринчи шахс бўлиши керак. Айнан у махфий ҳисоб рақами ҳақида айтиб берган, Юлия ундан фойдаланиш учун отасидан ишончнома олган.

Эслатиб ўтамиз, аввалроқ Кремль яна Скрипаль иши бўйича баёнот берганди.