Панама ва Венесуэла ҳам санкциялар алмашишни бошлади

Панама ҳукумати сешанба, 10 апрель куни, Венесуэла авиакомпанияларига мамлакатда ишлашни тақиқлади. Бу Венесуэла ҳукумати томонидан худди шундай тақиққа жавобан юз берди.

«Вазирлар маҳкамаси кенгаши Панамада ишловчи Венесула авиайўналишлари: Aeropostal Alas de Venezuela, Avior Airlines, Conviasa, Linea Aerea de Servicio Ejecutivo, Regional, Laser, Rutas Aereas de Venezuela, Santa Barbara Airlines, Turpial Airlines’га йўловчи ва юк транспорти хизмати кўрсатиш бўйича тақиқ жорий этиш ҳақида топшириқ берди», - дея маълум қилинган Панама ҳукумати хабарида.

Эслатиб ўтамиз, аввалроқ Панама ва Венесуэла ўртасидаги сиёсий муносабатлар ўта кескинлашгани хабар қилинганди.