Сурияга зарбалар берилганидан сўнг Асад тасвирланган илк видео эълон қилинди

Сурия президенти Башар Асад тасвирланган видеоёзув Сурия етакчисининг расмий Telegram-каналида эълон қилинди. 

Видеоёзув Сурия ҳудудига берилган зарбалардан бир неча соат ўтиб жойлаштирилган, унга қуйидаги изоҳ қўйилган - «Сукунат тонги». Видеоёзувда Сурия раҳбарининг президентлик саройига кириши тасвирланган.

Ролик саккиз сония давом этган, унда Асад чамадон билан ўз иш жойига қараб кетаётганини кўриш мумкин.

Эслатиб ўтамиз, аввалроқ Сурия ҳукумати АҚШ, Британия ва Франция ракета зарбалари нишонига айланган ҳарбий объектларни аввалдан эвакуация қилишга улгургани, бу ҳақидаги огоҳлантирув Россия томонидан берилгани хабар қилинганди.