Самарқандда қариндошини уриб-тепиб ўлдирган шахс қўлга олинди

Самарқанд вилоятининг Булунғур туманида қотиллик юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Маълум бўлишича, 18 апрель куни Жоманжар маҳалласида яшаган, 1979 й.т. М.Ш. уйидан тан жароҳатлари билан касалхонага олиб келиниб, кўрсатилган тиббий муолажаларга қарамай 22 апрель куни вафот этган. 

Олиб борилган суриштирув ишлари натижасида 2018 йил 18 апрель куни соат 03.00ларда, Тайлоқ тумани Чорбоғтепа маҳалласида яшовчи, 1996 й.т. Ж.О. уйида ўзаро жанжал оқибатида қариндоши М.Ш. танасининг турли жойларига уриб-тепиб тан жароҳати етказганлиги аниқланган. Ж.О. қўлга олинган.