Маск Tesla акцияларига тахминан 10 млн доллар йўналтирди

Tesla компанияси асосчиси Илон Маск ўз компаниясининг 33 минг акциясини харид қилди, улар 9,9 млн долларга тушди. Бу ҳақда CNN телеканали хабар бермоқда.

Сотиб олинган акциялар Маскнинг компаниядаги улушига таъсир кўрсатмаган: у 22 фоиз акциялар билан Tesla активларининг етакчи эгаси бўлиб қолишда давом этмоқда. Янги акциялар Маскнинг улушини бир фоизнинг ўндан бир қисмига камроқ оширган.

Таъкидланишича, одатда ижрочи директорлар очиқ бозорда ўз компаниялари акцияларини харид қилмайди. Тахминларга кўра, Маск шу тариқа ўз компанияси иқтисодий истиқболларига ишонишини билдирмоқчи бўлган.

Эслатиб ўтамиз, аввалроқ Tesla рекорд даражада зарар кўргани хабар берилганди.