Надежда Савченко адвокатлар хизматидан бош тортди

Фото: Reuters /Valentyn Ogirenko

Украина Олий радаси депутати, Рада биносида теракт содир этишга тайёргарлик кўришда гумонланаётган Надежда Савченко ҳимоячилар хизматидан бош тортди. Бу ҳақда РИА «Новости» адвокат Олег Соловейга асосан хабар қилмоқда.

«У бугун мен ва Дмитрий Бугай (Савченко ишидаги яна бир ҳимоячи – таҳ.) олдида барча адвокатлардан бош тортиши ҳақидаги ҳужжатга қўл қўйди», - дея айтиб ўтган Соловей.

Надежда Савченконинг синглиси Вера берган хабарга кўра, Олий рада депутати 50 кундан бери очлик эълон қилган.

Эслатиб ўтамиз, аввалроқ мамлакат президенти Пётр Порошенко Украина шарқида россиялик 10 минг аскар борлигини маълум қилганди.