Невададаги суд 12 йил ичида биринчи марта маҳкумни қатл этишга рухсат берди

АҚШнинг Невада штатидаги суд 12 йил ичида биринчи марта ўлим жазосини ижрога келтиришга рухсат берди. Бу ҳақда Associated Press хабар қилмоқда.

Таъкидланишича, 2007 йилда Скотт Доузер Феникс ва Лас-Вегасда содир этилган қотиллик учун ўлим жазосига ҳукм қилинган. Унинг ўзи ҳукм имкон қадар тезроқ ижрога келтирилишини исташи ҳақида айтиб ўтганди. 2017 йилда Лас-Вегас суди ҳукм ижросини блоклаб қўйди.

Инсон ҳуқуқлари ҳимоячилари ўлимга олиб келувчи инъекция учун қўлланилиши мумкин бўлган препаратлар комбинацияси аввал ҳеч қачон ишлатилмагани, ҳамда у нотўғри тарзда таъсир кўрсатиши мумкинлигини айтиб ўтишганди.