АҚШ элчихонасининг Ал-Қудсга кўчирилиши диний ихтилофга янги куч беради – фаластинлик дипломат

Фото: AP Photo/Ariel Schalit

АҚШнинг Исроилдаги элчихонасининг Тель-Авивдан Ал-Қудсга кўчирилиши диний ихтилофга янги куч беради, деб ҳисобламоқда Фаластинни озод қилиш ташкилотининг Вашингтондаги делегацияси раҳбари Хусам Зомлот.

“Бахтга қарши, АҚШ маъмурияти асрлар давомида барча динлар учун муқаддас бўлган шаҳарга эгалик қилишга мутлақ ҳуқуққа даъво қилган Исроил томонини олди. Элчихонанинг кўчирилиши муносиб тинчлик ўрнига диний ихтилофга янги куч беради”, деб айтган Зомлот.

Дипломатнинг айтишича, элчихонанинг кўчирилиши АҚШ икки давлатни кўзда тутувчи ечимга эришиш бўйича халқаро саъй-ҳаракатлар ташаббусчиси бўлган давр якун топганини билдиради. Зомлотнинг фикрича, АҚШ ушбу минтақада тинчликпарвар ролидан бош тортди ва Фаластин атрофидаги мавҳумликни янада кучайтирди.

АҚШнинг Исроилдаги элчихонаси бугун, 14 май куни Исроил ташкил топганининг 70 йиллиги кунида Ал-Қудсга кўчирилади.

Тайёрлаган Шуҳрат Раҳимов

#АҚШ #элчихона

6 декабрь куни АҚШ президенти Дональд Трамп Қуддуснинг Исроил пойтахти деб тан олди. У АҚШ Давлат департаментига Тель-Авивдаги элчихонани Қуддусга кўчиришга тайёргарлик кўришни бошлаш вазифасини топширди.