Вазирлар Маҳкамаси фармойиши билан янги лавозим тайинловлари рўй берди 

Ўзбекистон Республикаси Вазирлар Маҳкамаси фармойиши билан Женгисбай Сагинбаевич Ембергенов Қорақалпоғистон Республикаси қурилиш вазири этиб тайинланди. Бу ҳақда KUN.UZ ахборот манбаси хабар берди.

Бундан ташқари, Баҳром Амонович Назаров Самарқанд вилояти қурилиш бош бошқармаси бошлиғи этиб;

Олимжон Юсупович Аҳмедов Тошкент вилояти қурилиш бош бошқармаси бошлиғи этиб тайинланди.

Ўзбекистон Республикаси бош вазири Абдулла Арипов 2018 йилнинг 10 май куни бу ҳақдаги тегишли фармойишни имзолаган.

Эслатиб ўтамиз, аввалроқ Давлат рақобат қўмитаси раисига биринчи ўринбосар тайинлангани хабар берилганди.