АҚШ Исроил ва Туркиядаги элчихоналарининг қўриқлаш хизматини кучайтирди

АҚШнингАл-Қудсдаги элчихонаси/Фото: JERUSALEM POST

АҚШ Иордания, Исроил ва Туркиядаги ўз элчихоналарини қўриқлаш хизматини кучайтирди, бу Ал-Қудсда элчихона очилганидан сўнг юз берди, деб хабар қилмоқда NBC News манбага асосан.

Телеканал маълумотларига кўра, Қўшма Штатларнинг Туркия, Исроил ва Иорданиядаги элчихоналарига ўнлаб денгиз-пиёда аскарлари етиб келган.

Таъкидланишича, Давлат департаменти ва Пентагон АҚШнинг Ливан, Миср ҳамда Покистондаги элчихоналарида ҳам хавфсизликни кучайтириш имкониятини кўриб чиқмоқда.

Манбалар сўзларига кўра, Америка ҳукумати Ал-Қудсда элчихона очилгани фонида норозилик намойишлари юз беришидан хавфсирамоқда.

Тайёрлаган Отабек Матназаров

#АҚШ #Исроил #элчихона #Ал-Қудс

14 май куни АҚШ Қуддусда элчихонаси очилишига жавобан Ғазо секторида фаластинликлар норозилик намойишлари ўтказишди. Натижада Исроил ҳарбийлари билан қуролли тўқнашувлар келиб чиқиб, 40дан ортиқ фаластинлик ҳалок бўлди.