АҚШ Туркия элчисининг ортга чақиртириб олинганига изоҳ берди
АҚШ Давлат департаменти расмий вакили Хизер Науэртнинг фикрича, Қўшма Штатлардан турк элчисини ортга чақиртириб олиш мамлакатлар ўртасидаги муносабатларни кучсизлантирмайди. Бу ҳақда РИА «Новости» хабар берган.
«Биз Туркия ўз элчисини ортга чақиртириб олганидан хабардормиз. Туркия бундай қилишга тўла ҳуқуқи бор. Мен бу ҳолат бизнинг Туркия ҳукумати билан муносабатларимизни кучсизлантиради, деб ҳисобламайман. Улар НАТО бўйича муҳим ҳамкор бўлиб қолади», - деди Науэрт.
Аввалроқ, Туркия ҳукумати АҚШ ва Исроилдан ўз элчиларини ортга чақиртириб олишга қарор қилгани хабар берилганди. Бундай вазият Туркиянинг АҚШ элчихонаси Ал-Қудсга кўчирилганидан норози экани билан боғлиқ. Дипломатик миссиянинг кўчирилиши туфайли Ғазо секторида намойишлар бошланди, фаластинликларнинг Исроил армияси билан тўқнашувлари юз берди, ўнлаб одамлар ҳалок бўлди.
Эслатиб ўтамиз, аввалроқ Фаластин Европанинг тўрт давлатидан элчиларини ортга чақиртириб олаётгани хабар қилинганди.
Мавзуга оид
23:25 / 20.09.2024
АҚШ президентлигига номзодлар хавфсизлиги кучайтирилиши мумкин
18:08 / 20.09.2024
Америкада эркак 18 йил бировнинг “свет”ига пул тўлаб келгани аниқланди
12:30 / 20.09.2024
АҚШ Россия ва КХДРнинг бешта юридик ва жисмоний шахсига қарши санкциялар киритди
10:28 / 20.09.2024